Indici ta' din il-pagna:

1. [...]

---

F'Din is-sezzjoni:

1. Messaġġ ta' l-Arċisqof elett għall-Pjan Pastorali 2007-2008
2. Inwettqu s-Sinodu b'hidma id f'id
3. It-twettiq tas-Sinodu
4. Prezentazzjoni tad-dokumenti tas-Sinodu
5. Ittra lill-membri ta' l-Assemblea
6. Messagg tal-Milied lill-Missjunarji Maltin
7. Festa ta' Kristu Re f'Rahal Gdid
8. Flimkien narfu s-sinjali taz-zminijiet
9. Insara ta' fibra
10. Nidhlu aktar fil-hajja tal-poplu
11. Djalogu veru ghall-gid tal-Poplu kollu ta' Alla
12. L-Ispirtu ta' Alla jmexxina
13. It-temi tas-Sinodu Djocesan
14. Waqt iz-zjara tal-membri tal-kummissjoni sinodu
15. Ghall-Milied 2000
16. Celebrazzjoni tal-Kandlora 2002
17. Fis-26 anniversarju ta' l-ordinazzjoni episkopali
18. Ghal sehem fil-konsultazzjoni parrokkjali
19. Dwar il-konsultazzjoni fil-parrocci
20. Fil-25 anniversarju ta' l-ordinazzjoni episkopali
21. Stedina lill-poplu ta' Alla f'Malta

STEDINA TA' L-ARCISQOF

Fis-26 anniversarju ta' l-ordinazzjoni episkopali

(Silta)

Il-bzonn li nwasslu l-Vangelu u t-taghlim tal-Knisja bil-fedelta' u l-konvinzjoni kollha mehtiega, bl-ebda mod ma ghandu jfixkilna milli nkellmu lil xulxin b'onesta' u sincerita' fl-impenn taghna li ninbnew dejjem ahjar bhala Knisja.

Kien proprju ghalhekk li jiena, bhal-lum sena, tajt bidu ghas-Sinodu tal-Knisja f'Malta u ghamilt stedina lil kulhadd biex jaghti sehmu, b'mod haj, f'dan is-Sinodu.

Illum nixtieq nuri l-apprezament tieghi ghal tant nies li laqghu din l-istedina u, matul is-sena li ghaddiet, hadu sehem fil-konsultazzjoni wiesgha li saret f'kull parrocca u fl-ghaqdiet, movimenti, komunitajiet religjuzi, sacerdoti, kif ukoll fid-diversi laqghat li saru f'oqsma differenti tas-socjeta'. Kulhadd kellu l-okkazjoni li jitkellem b'liberta' shiha u bis-sincerita', u jaghti l-fehma tieghu ghall-gid tal-Knisja. Kellna konferma ta' kemm hu sabih li l-ahwa jitkellmu ma' xulxin u jisimghu lil xulxin. Kellna esperenza ta' Knisja tassew hajja. Laqatni, b'mod partikolari, is-sehem ta' tant lajci li, matul is-sena li ghaddiet, hadmu b'sens ta' Knisja, b'dedikazzjoni u b'imhabba.

Kif hu maghruf, kull parrocca, f'dan iz-zmien, specjalment matul Ottubru, qed torganizza Assemblea biex tiddiskuti dak li ntqal u tezamina dak li qed isir, u tara x'jista' jsir ghal hidma pastorali ahjar. Hekk jissahhah l-ispirtu ta' djalogu u rispett lejn il-fehmiet ta' xulxin, filwaqt li naghrfu li hu Alla li qed imexxina u li jitlob minna li nghixu dejjem aktar bhala ahwa fi Kristu.

Fl-1 ta' Novembru li gej, imbaghad, se ssir Celebrazzjoni Specjali tas-Sinodu, bit-tema, "Kristu t-triq: nimxu flimkien". Din ic-Celebrazzjoni se tigbor flimkien rapprezentanti mid-diversi oqsma tal-Knisja f'Malta. Fiha se naghtu harsa lura lejn dak li ghexna matul din is-sena u lejn il-frott tal-konsultazzjoni wiesgha li saret. Se naghtu wkoll harsa 'l quddiem lejn dak li jmiss isir fil-process tas-Sinodu, biex inkomplu mexjin flimkien fit-triq li twassalna ghand il-Missier.

Nixtieq li nkomplu nahdmu, ilkoll kemm ahna, biex il-Knisja f'pajjizna taghraf tiggedded u taqdi l-missjoni taghha dejjem ahjar, skond kif iridha Gesu'.

Ghalhekk inheggeg lil kulhadd biex nitolbu halli fl-istess proposti u kummenti ta' kulhadd ahna nkunu nistghu naghrfu dak li Alla jrid jurina u jistenna minna. Nitolbuh biex naghrfu lilna nfusna kif ahna llum, biex nifhmu kif ghandna nkunu skond ir-rieda tieghu, u biex ikollna l-kuragg nimxu minn dak li ahna ghal dak li jrid Alla minna.

Nistieden lil kulhadd biex, b'umilta' shiha, nersqu lkoll quddiem Alla biex, bl-intercessjoni ta' Ommna Marija, nitolbuh jghinna nkunu dejjem haddiema hawtiela fl-ghalqa tal-Mulej, b'fedelta' shiha lejn Kristu kif ghadu jghix fix-xirka fil-Knisja tieghu.

---

Ufficcju Stampa
Kurja ta' l-Arcisqof