Indici ta' din il-pagna:

1. -

---

F'Din is-sezzjoni:

1. Messaġġ ta' l-Arċisqof elett għall-Pjan Pastorali 2007-2008
2. Inwettqu s-Sinodu b'hidma id f'id
3. It-twettiq tas-Sinodu
4. Prezentazzjoni tad-dokumenti tas-Sinodu
5. Ittra lill-membri ta' l-Assemblea
6. Messagg tal-Milied lill-Missjunarji Maltin
7. Festa ta' Kristu Re f'Rahal Gdid
8. Flimkien narfu s-sinjali taz-zminijiet
9. Insara ta' fibra
10. Nidhlu aktar fil-hajja tal-poplu
11. Djalogu veru ghall-gid tal-Poplu kollu ta' Alla
12. L-Ispirtu ta' Alla jmexxina
13. It-temi tas-Sinodu Djocesan
14. Waqt iz-zjara tal-membri tal-kummissjoni sinodu
15. Ghall-Milied 2000
16. Celebrazzjoni tal-Kandlora 2002
17. Fis-26 anniversarju ta' l-ordinazzjoni episkopali
18. Ghal sehem fil-konsultazzjoni parrokkjali
19. Dwar il-konsultazzjoni fil-parrocci
20. Fil-25 anniversarju ta' l-ordinazzjoni episkopali
21. Stedina lill-poplu ta' Alla f'Malta

MESSAĠĠ TA' L-ARĊISQOF ELETT GĦALL-PJAN PASTORALI 2007-2008

8 ta' Diċembru 2006

MESSAĠĠ TA' L-ARĊISQOF ELETT GĦALL-PJAN PASTORALI 2007-2008

L-Arċisqof il-ġdid ta' Malta, Pawl Cremona O.P., laqa' l-Pjan Pastorali 2007-2008 biex jiggwida l-Mixja Pastorali tal-Knisja għal dawn is-sentejn li ġejjin.

Fil-messaġġ tiegħu fid-daħla għall-Pjan Pastorali 2007-2008, L-Arċisqof Pawl Cremona jirringrazzja lill-Arċisqof Ġużeppi Mercieca ta' l-esperjenza tas-Sinodu Djoċesan, u jitkellem fuq l-esperjenza tiegħu fis-Sinodu: "Kienet esperjenza sabiħa, li tatna ideja ta' unità fil-ħeġġa pastorali tal-Knisja li jien ċert li kienet ta' ġid għal kulħadd."

L-Arċisqof il-ġdid fil-fatt kien ħa sehem attiv f'wieħed mill-gruppi li ġew iffurmati biex ifasslu d-dokumenti tas-Sinodu – il-grupp li bena d-dokument Żwieġ u Familja. Kien mhux biss preżenti waqt l-Assemblej u jagħti kontribut attiv, imma kien kontinwament jagħti inkoraġġiment għal din l-esperjenza tal-Knisja f'Malta.

F'Settembru ta' din is-sena, Patri Pawl ħa sehem fit-tielet Assemblea Djoċesana ta' wara s-Sinodu u ta wkoll il-kontribut tiegħu b'intervent waqt it-tieni sessjoni.

Fil-messaġġ tiegħu, l-Arċisqof Cremona jirringrazzja wkoll lil dawk li ħadmu biex il-Pjan Pastorali jiġi ffurmat u ppreżentat, u jgħid li jħares 'il quddiem lejn ħidma flimkien magħhom għall-ġid tal-Knisja f'Malta.

---

Dan hu l-messaġġ sħiħ ta' l-Arċisqof Cremona:

Jien rajt dan il-Pjan Pastorali li ġie approvat mill-Eċċellenza Tiegħu Monsinjur Ġużeppi Mercieca

Jiena nilqa' bil-qalb dan il-Pjan Pastorali biex jiggwida l-Mixja Pastorali tal-Knisja għal dawn is-sentejn li ġejjin.

Nixtieq nirringrazzja lill-Eċċellenza Tiegħu Monsinjur Ġużeppi Mercieca talli kien ta lill-Knisja f'pajjiżna esperjenza daqshekk qawwija pastoralment bħalma kien is-Sinodu Djoċesan. Jien kelli x-xorti li nieħu sehem fih, kemm bħala ħidma f'waħda mill-Kummissjonijiet, kif ukoll fl-Assemblej Ġenerali. Kienet esperjenza sabiħa, li tatna ideja ta' unità fil-ħeġġa pastorali tal-Knisja li jien ċert li kienet ta' ġid għal kulħadd.

Jiena nixtieq nirringrazzja wkoll lil dawk li ħadmu biex dan il-Pjan Pastorali jiġi ffurmat u ppreżentat, u nħares 'il quddiem biex naħdem magħhom għall-ġid tal-Knisja f'Malta.

---

Pawl Cremona O.P.

Arċisqof Elett ta' Malta

8 ta' Diċembru 2006

---